Bhageeradha G

  డాక్టర్ కె .వి. రమణాచారి గారు మెచ్చిన "శకపురుషుడు" ఎన్ .టి . ఆర్  శత జయంతి సందర్భంగా ఎన్ .టి .ఆర్.సెంటినరీ కమిటీ "శకపురుషుడు " ప్రత్యేక సంచికను వెలువరించింది . ఈ సంచికలో సినిమా విభాగానికి నేను సంపాదకుడుగా పనిచేశాను .  ఈ సంచిక చాలా బాగుందని , ఎన్ .టి .రామారావు గారికి వారి శతాబ్ది సంవత్సరంలో అపూర్వ నివాళి అని పుస్తకం చూసిన దేశ , విదేశాల్లోని తెలుగు వారంతా ప్రశంసిస్తున్నారు.  "శకపురుషుడు " పుస్తకాన్ని తెలంగాణ ప్రభుత్వ సలహాదారు డాక్టర్ కె .వి . రమణాచారి గారికి బహుకరించాను.  రమణ చారి గారు ఆ పుస్తకాన్ని చూసి "నా నలభై ఐదేళ్ల ప్రజా జీవితంలో ప్రత్యేక సంచికలు ఎన్నో చూశాను, అయితే  "శకపురుషుడు" అన్నింటిలో చాలా చాలా ప్రత్యేకం . ఇందులో ఆర్టికల్స్  ఎంపిక , లే అవుట్ ,పేపరు ,  ప్రింటింగ్ అన్నీ సూపర్ , ముఖ్యంగా "శకపురుషుడు " అనే పేరు , కవర్ పేజీ ఎంపిక,  చూడగానే అన్న గారి రాజసం కనిపిస్తోంది. ఇది మహా ప్రసాదంగా భావిస్తున్నాను.  భగీరథా , నిన్ను నలభై నాలుగు  సంవత్సరాలుగా చూస్తున్నా , నువ్వు ఏది  డబ్బు కోణంలో చూడవు , అదే నీ ప్రత్యేకత. శ్రీకృష్ణదేవరా...

  రికార్డు స్థాయిలో ఎన్ .టి .ఆర్ . స్మారక నాణెం అమ్మకాలు  హైదరాబాద్ మింట్ లో తయారైన తొలి స్మారక నాణెం ఎన్ .టి .రామారావు గారిది , ఈ నాణెం రెండున్నర నెలల్లో 25, 000 అమ్ముడు పోవడం దేశంలోనే సరికొత్త  రికార్డు అని మింట్ చీఫ్ జనరల్ మేనేజర్  వి .ఎన్ .ఆర్ . నాయుడు చెప్పారు.   శనివారం, ఎన్ .టి .ఆర్. సెంటినరీ కమిటీ చైర్మన్ టి,డి .జనార్దన్ ఏర్పాటు చేసిన సమావేశంలో హైదరాబాద్ మింట్ అధికారులు వి, ఎన్ .ఆర్ .నాయుడు, శ్రీనివాస్ గండపనేడు , తానాజీ పాల్గొన్నారు.  ఈ సందర్భంగా  నాయుడు మాట్లాడుతూ - దేశంలో స్మారక నాణేల విడుదల 1964 నుంచి ప్రారంభమైంది,  మొదట జవహర్ లాల్ నెహ్రూ , ఆ తరువాత మహాత్మా గాంధీ లాంటి మహనీయుల నాణేలను కేంద్రం విడుదల చేయడం జరిగిందని , అయితే ఇప్పటి వరకు స్మారక నాణేలలో 12,000 నాణేలు రికార్డు అని , ఆ రికార్డు ను ఎన్ .టి .ఆర్ . స్మారక నాణెం బ్రేక్ చేసిందని , ఆగష్టు 28న భారత రాష్ట్రపతి ద్రౌపది ముర్ము ఈ నాణేన్ని ఢిల్లీలో విడుదల చేశారని , 29 నుంచి ప్రజలకు అందుబాటులోకి తీసుకు వచ్చామని చెప్పారు . కేవలం రెండున్నర నెలల్లోనే 25,000 స్మారక నాణేలను విక్రయించడం జర...

 రామోజీ రావు గారు స్ఫూర్తి ప్రదాత  నవంబరు 16 పద్మవిభూషణ్ రామోజీ రావు గారి పుట్టినరోజు.  86 సంవత్సరాలు పూర్తి చేసుకొని 87వ సంవత్సరంలోకి ప్రవేశించారు .  రామోజీరావు గారు కృష్ణా జిల్లా పెదపారుపూడిలో 1936 నవంబరు 16న   వెంకటసుబ్బమ్మ,  వెంకట సుబ్బారావుదంపతులకు జన్మిచారు .  1974 ఆగష్టు 10న రామోజీరావు గారు విశాఖపట్నంలో ఈనాడు దిన పత్రికను ప్రారంభించారు . ఆ తరువాత 1975 డిసెంబర్ 17న హైదరాబాదులో  మరో ఎడిషన్ ప్రారంభించారు . ఈనాడు దేశంలోనే పెను సంచలనం సృష్టించింది .  మార్గదర్శి, ఉషాకిరణ్ మూవీస్, మయూరి ఫిలిమ్స్, రామోజీ ఫిలిం సిటీ మొదలైన సంస్థలను ఆయన ప్రారంభించారు . ఈరోజు ఆయన పేరు ప్రపంచంలోనే ప్రముఖంగా వినిపిస్తుంది .   తెలుగు పత్రికా రంగంలోనూ , సినిమా రంగంలోనూ రామోజీ రావు గారు సరికొత్త చరిత్రను సృష్టించారు. నవ్యతకు , నాణ్యతకు ఆయన మరో పేరు.  రామోజీ  రావు గారితో నేను మొదటిసారి 1983 లో ఇంటర్వ్యూ చేశాను . అప్పుడు నేను ఆంధ్ర జ్యోతి సంస్థ నుంచి వెలువడే జ్యోతి లో పనిచేసేవాడిని .  ఆ తర్వాత మళ్ళీ 1986లో మరొక ఇంటర్వ్యూ చేశాను . ...

  48 సంవత్సరాల నాటి జ్ఞాపకం, వి.ఎస్. మూర్తి స్మృతి 1971 అక్టోబర్ 17న నేను హైదరాబాద్ కు వచ్చాను . మా పెద్దన్నయ్య కోటేశ్వర రావు హెచ్ .ఎమ్ .టి ఫ్యాక్టరీ లో పనిచేసేవాడు . ఆయన దగ్గర ఉండి ఇంటర్మీడియట్ చదవడానికి మా నాన్న రామస్వామి నన్ను హైదరాబాద్ పంపించారు . . పావులూరు హైస్కూల్ లో చదివే రోజుల్లోనే నేను కథలు , కవిత్వం రాసేవాడిని. తెలుగు మాస్టారు మాధవరావు గారు నన్ను ప్రోత్సహించేవారు హైదరాబాద్ వచ్చాక కూడా చదువుకుంటూ రచనలు చేసేవాడిని. ఇంటర్ లో గురువు ఆచార్య తిరుమల గారు కూడా నన్ను బాగా ప్రోత్సహించేవారు. నేను మొదటిసారి 'ఆహుతి ' అన్న నాటకం వ్రాశాను. 1974 చివరిలో ఆకాశవాణిలో పనిచేసే దండమూడి మహీధర్ గారికి ఈ నాటకాన్ని చూపించాను. ఆయన, టి.వి .ఆర్ .కె . సుబ్బారావు గారిని నాకు పరిచయం చేశారు . అప్పుడు వారు డ్రామా సెక్షన్ చూసేవారు . రెండు నెలల తర్వాత 'ఆహుతి' నాటకం 'ఆకాశవాణి' లో ప్రసారానికి ఎంపికయ్యిందని లెటర్ వచ్చింది . అప్పుడు నేను చిక్కడపల్లి లో ఉండేవాడిని. మా ఇంటికి సమీపంలో కె .ఎస్ .ఆర్ .ప్రసాద్ , వి .ఎస్ .మూర్తి ఉండేవారు . ప్రసాద్ నాకు కాలేజ్ లో పరిచయం . మూర్తి ప్రసాద్ గా...