ఈనాడు రామోజీ రావు గారు అస్తమయం తెలుగు పత్రికా రంగంలో చెరగని ముద్రవేసిన పద్మవిభూషణ్ రామోజీ రావు గారు ఇక లేరు అన్న విషాద వార్త నన్ను కలవరపరిచింది . పత్రికా రంగం , సినిమా రంగం , వ్యాపార రంగాల్లో ఆయన సాధించిన ప్రగతి అపూర్వం , అనితర సాధ్యం . రామోజీ రావు గారితో నాకు 1983 నుంచి పరిచయం . ఎన్ .టి .రామారావు గారు ముఖ్యమంత్రి అయిన తరువాత మొదటిసారి రామోజీ రావు గారిని జ్యోతి చిత్ర సినిమా వార పత్రిక (ఆంధ్ర జ్యోతి సంస్థ ) రిపోర్టర్ గా ఇంటర్వ్యూ చేశాను. ఈనాడు కార్యాలయంలో రెండవ ఫ్లోర్ లో ఉండేవారు . అప్పుడు వారు నా పట్ల చూపించిన అభిమానం, ఆత్మీయత ఎప్పటికీ మర్చిపోలేను. రామోజీరావు గారితో నేను చేసిన ఆ ఇంటర్వ్యూ సంచలనం సృష్టించింది . ఆ తరువాత అనేక సందర్భాల్లో వారిని కలవడం జరిగింది. నా పట్ల ప్రత్యేకమైన అభిమానం చూపించేవారు . 1987 ఫిబ్రవరి 8న నా వివాహ రిసెప్షన్ కు వారిని ఆహ్వానించాను. నేను ఆంధ్ర జ్యోతి లో పనిచేసేవాడిని . ఈనాడులో పనిచేయలేదు కాబట్టి వారు హాజరు కారు అనుకున్నాను. హైదరాబాద్ ప్రెస్ క్లబ్ లో జరిగిన రిసెప్షన్ కు రామోజీ రావు గారు మయూరి జనరల్ మేనేజర్ త్రిపురనేని కేశవ రావు గారు , ఉషాకిరణ్ మూవీస
.jpg)
