Bhageeradha G

 అక్కినేని నాగేశ్వర రావు గారి 101వ జయంతి .   ఈరోజు మహా నటుడు అక్కినేని నాగేశ్వర రావు గారి 101వ జయంతి . తెలుగు సినిమా రంగంలో అద్వితీయ ,అసమాన నటులు అక్కినేని నాగేశ్వర రావు , ఎన్ .తో. రామారావు. ఈ ఇద్దరితో  జర్నలిస్టుగా నాకు పరిచయం  ఉంది .ఇద్దరూ నను అభిమానించినవారే . ఈ ఇద్దరూ తెలుగు వారికి ప్రాతః స్మరణీయులే .  నాగేశ్వర రావు గారితో పరిచయం అయితే .. ఆ వ్యక్తి నచ్చితే ... అక్కినేని ఎంతో ఆత్మీయతను పంచుతారు.  నాగేశ్వర రావు రావు గారితో ఎన్నో మధురమైన సంఘటనలు ఉన్నాయి .  1987 ఫిబ్రవరి 8న ప్రెస్ క్లబ్ లో జరిగిన మా మ్యారేజ్ రిసెప్షన్ కు నాగేశ్వర రావు గారు నిర్మాత రామానాయుడు గారు, రామోజీ  రావు గారు , దుక్కిపాటి మధుసూదన రావు గారు ,నండూరి రామ మోహన్ రావు గారు  వచ్చి ఆశీర్వదించారు .  అదొక తీపి జ్ఞాపకం .  1992లో నాగేశ్వర రావు గారిని నంగునూరి చంద్రశేఖర్ గారి సోదరుడు అమర్నాథ్,  వాళ్ళ అబ్బాయి బారసాలకు ఆహ్వానించారు. ఆ కార్యక్రమం బేగంపేట్ లోని వారి ఇంటిలో ఏర్పాటుచేశారు . చంద్రశేఖర్ నన్ను కూడా ఫ్యామిలీతో  ఆహ్వానించారు .  ఆ కార్యక్రమం జరుగుతూ ఉండ...

 ఈరోజు మహాకవి డాక్టర్ దాశరథి గారి శత జయంతి.  దాశరథి గారితో నాకు 1980 నుంచి పరిచయం వుంది . ఆయన తో నేను చేసిన ఓ ఇంటర్వ్యూ అప్పట్లో సంచలన సృష్టించింది. వ్యక్తిగా ఎంత మృదువైన వాడో కవిగా అంత దృఢమైన వాడు. కవిగా ఆయన ఎప్పుడూ రాజీపడలేదు, ఎవరికీ భయపడలేదు.  తెలంగాణ సమాజం గర్వించతగ్గ కళాప్రపూర్ణుడు.  దాశరథి కృష్ణమాచార్య అరుదైన మహాకవి , అభ్యుదయవాది.   దాశరథి గారు నిజాం ప్రభువును ఎదిరించి, తెలంగాణ విముక్తి కోసం పోరాడిన అక్షర యోధుడు.  "ఓ నిజాము పిశాచమా, కానరాడు నిన్ను బోలిన రాజు మాకెన్నడేని తీగలను తెంపి అగ్నిలో దింపినావు నా తెలంగాణ కోటి రతనాల వీణ" అని నినదించిన అభ్యుదయ కవిసమ్రాట్ దాశరధి.  దాశరథి కృష్ణమాచార్య  గారు చిన్న గూడూరు గ్రామంలో జన్మించాడు. ఈ గ్రామం మహబూబాబాద్ జిల్లాలో ఉంది. అయితే ఆయన బాల్యం ఖమ్మం జిల్లా మధిరలో గడిచింది.  దాశరథి గారు ఉర్దూలో మెట్రిక్యులేషను, భోపాల్ విశ్వవిద్యాలయం నుండి ఇంటర్మీడియెట్, ఉస్మానియా విశ్వవిద్యాలయం నుండి ఇంగ్లీషు సాహిత్యంలో బి.ఎ చదివాడు.  దాశరథి గారికి  తెలుగుతో పాటు సంస్కృతం, ఆంగ్లం, ఉర్దూ భాషల్లో మంచి ప్రావ...

  ఉప ముఖ్యమంత్రి భట్టికి ' శకపురుషుడు' ఈరోజు తెలంగాణ రాష్ట్ర ఉప ముఖ్యమంత్రి మరియు  ఆర్థిక, ప్రణాళిక, ఇంధన శాఖలు నిర్వహిస్తున్న శ్రీ మల్లు భట్టి విక్రమార్క గారిని  కలసి 'శకపురుషుడు  ' పుస్తకాన్ని బహుకరించాను.  ఎన్ .టి .రామారావు గారి జయంతి సందర్భంగా ఎన్ .టి .ఆర్. శత జయంతి కమిటీ వెలువరించిన ఈ పుస్తకానికి నేను, విక్రమ్ సంపాదకులం.   నాతో పాటు నిర్మాత చిన  బాబు (డీవీకే రాజు) , సీనియర్ జర్నలిస్టులు కె. ఉమామహేశ్వర రావు , దుర్గ వడ్లమాని కూడా ఉప ముఖ్య మంత్రి గారిని కలవడం జరిగింది .  చిన బాబు గారు తమ తండ్రి డీవీఎస్ రాజు గారి జీవిత చరిత్ర 'అంతరంగ తరంగాలు ' దుర్గ గారు సూర్యకాంతమ్మ శత   జయంతి సందర్భంగా వెలువరించిన 'తెలుగింటి  అత్త గారు ' పుస్తకాలను భట్టి విక్రమార్క గారికి బహుకరించారు .  ఇవ్వాళ ఉదయమా 10. 30 గంటలకు ప్రగతి భవన్ లో ఉప ముఖ్యమంత్రి భట్టిని గారిని మర్యాదపూర్వకంగా కలవడం జరిగింది .  మేము నలుగురం గత నెలలో జరిగిన గద్దర్ ఫిలిం అవార్డుల కమిటీలో సభ్యులుగా పనిచేశామని , తెలంగాణ ప్రభుత్వం గద్దర్ అవార్డుల కార్యక్రమాన్ని ఎంతో ఘనంగా న...

  కోమటిరెడ్డికి 'తారకరామం' ఈరోజు తెలంగాణ ప్రభుత్వ రోడ్లు, భవనాలు మరియు సినిమాటోగ్రఫీ శాఖా మంత్రి శ్రీ కోమటిరెడ్డి వెంకట రెడ్డి గారిని కలసి 'తారకరామం ' పుస్తకాన్ని బహుకరించాను . ఎన్ .టి .రామారావు గారి జయంతి సందర్భంగా ఎన్ .టి .ఆర్. శత జయంతి కమిటీ ఈ పుస్తకాన్ని వెలువరించింది , దీనికి నేను సంపాదకత్వం వహించానని మంత్రి గారికి చెప్పాను . 'తారకరామం' లాంటి మంచి పుస్తకాన్ని తనకు బహుకరించినందుకు మంత్రి గారు సంతోషం వ్యక్తం చేశారు. నాతో పాటు నిర్మాత చిన బాబు (డీవీకే రాజు) , సీనియర్ జర్నలిస్టులు ఉమామహేశ్వర రావు , దుర్గ వడ్లమాని కూడా మంత్రి గారిని కలవడం జరిగింది . చిన బాబు గారు తమ తండ్రి డీవీఎస్ రాజు గారి జీవిత చరిత్ర 'అంతరంగ తరంగాలు ' దుర్గ గారు సూర్యకాంతమ్మ శాశత జయంతి సందర్భంగా వెలువరించిన 'తెలుగింటి అత్త గారు ' పుస్తకాలను వెంకట రెడ్డి గారికి బహుకరించారు . ఇంత మంచి పుస్తకాలను తనకు బహుకరించినందుకు ఆయన మాకు కృతజ్ఞతలు తెలిపారు . మేము నలుగురం గత నెలలో జరిగిన గద్దర్ ఫిలిం అవార్డుల కమిటీలో సభ్యులుగా పనిచేశాము . గద్దర్ అవార్డులను తెలంగాణ ప్రభుత్వం ప్రతిష్టాత్మక...

                                     పద్మశ్రీ   కోట శ్రీనివాస రావు విలక్షణమైన నటుడు  కోట శ్రీనివాస రావు ఈరోజు మరణించారనే వార్త దిగ్భ్రాంతిని కలిగించింది.  నాలుగున్నర దశాబ్దాల కాలంలో తెలుగు , తమిళ, కన్నడ , హిందీ రంగాల్లో 750 సినిమాల్లో వైవిధ్యమైన పాత్రలను ధరించారు.  కోట శ్రీనివాస రావు గారు 1985లో 'ప్రతిఘటన ' సినిమాలో కాశయ్య పాత్రలో నటించి ఒక్కసారి తెలుగు సినిమా రంగాన్ని తనవైపు తిప్పుకున్నాడు . రామోజీ రావు గారు నిర్మాతగా టి .కృష్ణ దర్శకత్వం వహించారు .  నేను జ్యోతి చిత్ర సినిమా వార పత్రిక రిపోర్టర్ గా పనిచేసేవాడిని.  శ్రీనివాసరా గారిని మా ఆంధ్ర జ్యోతి కార్యాలయానికి ఆహ్వానించి ఇంటర్వ్యూ చేశాను . అదే సందర్భంలో జర్నలిస్టులతో ఒక సమావేశం ఏర్పాటు చెయ్యమని సలహా ఇచ్చాను . ఆయన తప్పకుండా అని ఆ మరుసటి రోజే నారాయణ గూడా  తాజ్ మహల్ హోటల్లో సమావేశం ఏర్పాటుచేశారు . నేను సహా జర్నలిస్టులందరినీ ఆహ్వానించాను .  అప్పుడు శ్రీనివాసరావు గారు నారాయణగూడ లోని ఎస్ .బి .ఐ లో పనిచే...

  ఈరోజు మహాకవి శ్రీశ్రీ 115వ జయంతి    నా మొదటి రచన  'మానవత ' కవితా సంపుటికి ముందు మాట వ్రాసి 1980 జూన్ 1వ  తేదీన మద్రాసు నుంచి హైదరాబాద్ వచ్చి ఆవిష్కరించారు. ఆ రోజు నన్ను ఆశీర్వదించిన మహాకవి శ్రీ శ్రీ నాకు ప్రాతః స్మరణీయులు . నా సాహిత్య జీవితానికి మార్గదర్శకులు .