పద్మశ్రీ కోట శ్రీనివాస రావు విలక్షణమైన నటుడు కోట శ్రీనివాస రావు ఈరోజు మరణించారనే వార్త దిగ్భ్రాంతిని కలిగించింది. నాలుగున్నర దశాబ్దాల కాలంలో తెలుగు , తమిళ, కన్నడ , హిందీ రంగాల్లో 750 సినిమాల్లో వైవిధ్యమైన పాత్రలను ధరించారు. కోట శ్రీనివాస రావు గారు 1985లో 'ప్రతిఘటన ' సినిమాలో కాశయ్య పాత్రలో నటించి ఒక్కసారి తెలుగు సినిమా రంగాన్ని తనవైపు తిప్పుకున్నాడు . రామోజీ రావు గారు నిర్మాతగా టి .కృష్ణ దర్శకత్వం వహించారు . నేను జ్యోతి చిత్ర సినిమా వార పత్రిక రిపోర్టర్ గా పనిచేసేవాడిని. శ్రీనివాసరా గారిని మా ఆంధ్ర జ్యోతి కార్యాలయానికి ఆహ్వానించి ఇంటర్వ్యూ చేశాను . అదే సందర్భంలో జర్నలిస్టులతో ఒక సమావేశం ఏర్పాటు చెయ్యమని సలహా ఇచ్చాను . ఆయన తప్పకుండా అని ఆ మరుసటి రోజే నారాయణ గూడా తాజ్ మహల్ హోటల్లో సమావేశం ఏర్పాటుచేశారు . నేను సహా జర్నలిస్టులందరినీ ఆహ్వానించాను . అప్పుడు శ్రీనివాసరావు గారు నారాయణగూడ లోని ఎస్ .బి .ఐ లో పనిచే...