Bhageeradha G

  ఈరోజు మహాకవి శ్రీశ్రీ 115వ జయంతి    నా మొదటి రచన  'మానవత ' కవితా సంపుటికి ముందు మాట వ్రాసి 1980 జూన్ 1వ  తేదీన మద్రాసు నుంచి హైదరాబాద్ వచ్చి ఆవిష్కరించారు. ఆ రోజు నన్ను ఆశీర్వదించిన మహాకవి శ్రీ శ్రీ నాకు ప్రాతః స్మరణీయులు . నా సాహిత్య జీవితానికి మార్గదర్శకులు . 

 చంద్ర బాబు నాయుడు గారు @75 తెలుగు దేశం పార్టీ జాతీయ అధ్యక్షులు, ఆంధ్ర ప్రదేశ్ రాష్ట్ర ముఖ్యమంత్రి  శ్రీ నారా చంద్ర బాబు నాయుడు గారి 75వ  జన్మదినోత్సవం. 1980 నుంచి చంద్ర బాబు నాయుడు గారితో నాకు  పరిచయం వుంది .  1980లో చంద్ర బాబు నాయుడు గారు కాంగ్రెస్ పార్టీలో సినిమాటోగ్రఫీ మంత్రిగా ఉన్నప్పుడు వారిని మొదటిసారి 'జ్యోతి చిత్ర' సినిమా వార పత్రిక కోసం ఇంటర్వ్యూ చేశాను. అలాగే వారి మొదటి ప్రెస్ మీట్ కూడా నేనే ఏర్పాటు చేశాను .  చంద్రబాబు నాయుడు గారు ఉమ్మడి రాష్ట్ర ముఖ్యమంత్రిగా  వున్నప్పుడు 1997 మరియు 2000 సంవత్సరాలకు వారి నుంచి ఉత్తమ జర్నలిస్టు గా రెండు పర్యాయాలు నంది అవార్డులను స్వీకరించాను  .  2010లో ఎన్ .టి .ఆర్. ట్రస్ట్ తరుపున ఉత్తమ జర్నలిస్టు అవార్డును బాబు గారు నాకు ప్రదానం చేశారు.  2023లో ఎన్ .టి .ఆర్. శత జయంతి సందర్భంగా మా కమిటీ ప్రచురించిన "శకపురుషుడు " ప్రత్యేక సంచికను చంద్ర బాబు గారు  ఆవిష్కరించి సంపాదకుడుగా నన్ను అభినందించారు.  నేను రచించిన "నాగలాదేవి " చారిత్రిక పుస్తకాన్ని చంద్ర బాబు  గారు ఆవిష్కరించారు .  గత స...

  నగర కేంద్ర గ్రంథాలయంలో నా పుస్తకాలు  అశోక్ నగర్ లోని నగర కేంద్ర గ్రంథాలయంలో నేను రచించిన పుస్తకాలను లైబ్రేరియన్ శ్రీమతి సుబ్బలక్ష్మి గారికి బహుకరించాను.   శ్రీ త్యాగరాయ గానసభలో జరిగే ఓ కార్యక్రమంలో పాల్గొనడానికి అశోక్ నగర్ వెడుతూ  'నాగలాదేవి', 'భారతమెరికా ', 'భగీరథ పథం ', ' మహానటుడు, ప్రజానాయకుడు - ఎన్ .టి .ఆర్ ' పుస్తకాలను తీసుకెళ్ళాను .  అశోక్ నగర్ కేంద్ర గ్రంథాలయం తో నాకు ఎంతో అనుబంధం వుంది .  1971లో నేను హైదరాబాద్ వచ్చిన తరువాత చదువుకుంటూనే ఈ గ్రంథాలయానికి తరచూ వచ్చేవాడిని. 1971 నుంచి 1977 వరకు అంటే నేను 'వెండితెర ' పత్రికలో చేరేవరకు ఈ గ్రంథాలయం రచయితగా నా ఎదుగుదలకు ఎంతో తోడ్పడిందని చెప్పగలను .  అందుకే ఈ గ్రంథాలయంలో నా పుస్తకాలు ఉండాలని లైబ్రేరియన్ శ్రీమతి సుబ్బలక్ష్మి గారిని కలసి వారికి పుస్తకాలు బహుకరించాను .  'మీ పేరు విన్నాను , మిమ్మల్ని కలుసుకోవడం చాలా ఆనందంగా వుంది సార్ ' అని సుబ్బలక్ష్మి గారు చెప్పారు .  ఈ గ్రంథాలయంలో వున్న హాల్ లో 1980 జూన్ 1న నేను రచించిన 'మానవత' కవితా సంపుటిని మహాకవి శ్రీ శ్రీ ఆవిష్కరించారు . నా జీ...

  వెంకయ్య నాయుడు గారి ఆత్మీయత  భారత మాజీ ఉపరాష్ట్రపతి ముప్పవరపు  వెంకయ్య నాయుడు గారు ఏప్రిల్ 4న ఫిలిం నగర్ కల్చరల్ సెంటర్ కు వచ్చారు .  కల్చరల్ సెంటర్ కార్యదర్శి తుమ్మల రంగారావు గారి తండ్రి గారి  11వ రోజు కార్యక్రమానికి వెంకయ్య నాయుడు గారితో పాటు టి .డి .జనార్దన్ , బంగారు గారిని కూడా ఆహ్వానించారు . వెంకయ్య నాయుడు గారిని నేనే స్వయంగా రిసీవ్ చేసుకున్నాను . అందరూ కలసి ఒక టేబుల్ మీద కూర్చొని భోజనం చేశారు . 

  భగీరథకు కళారత్న  అవార్డు  ఆంధ్ర ప్రదేశ్ రాష్ట్ర  ముఖ్యమంత్రి నారా చంద్ర బాబు నాయుడు సీనియర్ జర్నలిస్ట్ , రచయిత భగీరథకు కళారత్న అవార్డు ను  ప్రదానం చేశారు.    మార్చి 30న  విజయవాడ తుమ్మలపల్లి కళాక్షేత్రంలో జరిగిన ఉగాది అవార్డుల కార్యక్రమంలో ముఖ్య అతిధిగా పాల్గొన్న చంద్రబాబు నాయుడు గారు భగీరథకు  కళారత్న అవార్డును  బహుకరించి అభినందించారు.  జర్నలిజంలో 45 సంవత్సరాల అనుభవం వున్న భగీరథ 1997, 2001లో రెండు పర్యాయాలు అప్పటి ఉమ్మడి ఆంధ్ర ప్రదేశ్ లో నంది అవార్డులు , 2011లో ఎన్ .టి .ఆర్ . కమిటీ ఉత్తమ జర్నలిస్టు అవార్డు , 2020లో తెలుగు విశ్వవిద్యాలయం కీర్తి పురస్కారం , ఢిల్లీ తెలుగు  అకాడమీ , వంశీ , కిన్నెర, యువకళా  వాహిని,  శృతిలయ , కమలాకర కళా భారతి , బళ్లారి తెలుగు సంస్కృతీ లాటి సంస్థల నుంచి 20 అవార్డులను భగీరథ స్వీకరించాడు .  నంది అవార్డుల కమిటీ , జాతీయ సినిమా అవార్డుల కమిటీ , ఆస్కార్ అవార్డుల కమిటీ సభ్యుడుగా భగీరథ పనిచేశాడు .  ఎన్ .టి .ఆర్. శత జయంతి సందర్భంగా ఏర్పాటైన కమిటీ  "శకపురుషుడు ", "తారకరామం" రెండు గ్రంథ...

 'తారకరామం "ఆధునిక భగవద్గీత  ఫిలింనగర్ కల్చరల్ సెంటర్లో  జనవరి 18న నా 'తారకరామం ' పుస్తకం పై సమీక్ష సమాలోచన జరిగింది . ఈ సభకు సంబంధించిన వార్త.  తారకరామం ఆధునిక భగవద్గీత: పరుచూరి గోపాలకృష్ణ భగీరథ సంపాదకత్వంలో ఎన్.టి.ఆర్. కమిటీ వెలువరించిన తారకరామం గ్రంథం ఆధునిక భగవద్గీతని, ప్రతి తెలుగు వారి ఇంట్లో తప్పకుండా ఉండవలసిన అపురూప గ్రంథమని రచయిత పరుచూరి గోపాలకృష్ణ చెప్పారు.  ఎన్.టి. రామారావు వివిధ పత్రికలకు ఇచ్చిన ఇంటర్వ్యూలతో రూపొందించిన తారకరామం పుస్తక సమీక్ష సమాలోచన శనివారం నాడు ఫిలింనగర్ కల్చరల్ సెంటర్ లో జరిగింది. ఈ సందర్భంగా రచయితల సంఘం అధ్యక్షులు డా. పరుచూరి గోపాలకృష్ణ మాట్లాడుతూ అన్న ఎన్.టి. రామారావు స్వయంగా చెప్పిన ఇంటర్వ్యూలతో భగీరథ చేసిన మంచి ప్రయత్నమని అన్నగారి అభిప్రాయాలు, ఈ తరతానికే కాదు, భవిష్యత్ తరాలకు కూడా మార్గదర్శకంగా ఉంటాయని అందుకే తారకరామం ప్రతిఇంటిలో తప్పనిసరిగా ఉండవలసినటువంటి మహాగ్రంథమని చెప్పారు.  జొన్నవిత్తుల మాట్లాడుతూ ఎన్.టి. రామారావుగారు చాలా స్పష్టమైన అభిప్రాయాలతో ఉంటారని, నటుడిగాను, వ్యక్తిగానూ, జీవితంలో రాజీపడలేదని తారకరామం పుస్తకం ఎన...

  నాగేశ్వర రెడ్డి గారికి  శకపురుషుడు  వైద్య రంగంలో అత్యున్నత సేవలందించినందుకు డాక్టర్ డి. నాగేశ్వర రెడ్డి గారికి కేంద్ర ప్రభుత్వం 75వ గణతంత్ర దినోత్సవం సందర్భంగా పద్మవిభూషణ్ అవార్డును ప్రకటించింది .  నాగేశ్వర రెడ్డి గారు గ్యాస్ట్రో ఎంటరాలజీ లో అత్యుత్తమ నిపుణులు. హైద్రాబాద్ లోని   ఆసియన్  ఇనిస్టిట్యూట్ అఫ్  గాస్ట్రోఎంటరోలాజి  ఆసుపత్రి వ్యవస్థాపకులు.   ఈ విభాగంలో ఎన్నో ప్రయోగాలు చేసి విజయాలు సాధించారు . ఇప్పటికే వారికి పద్మశ్రీ , పద్మభూషణ్ అవార్డులు వచ్చాయి .  దేశంలోనే అత్యున్నత రెండవ పురస్కారం రావడం వారిని అభిమానించేవారందరికీ గర్వకారణం .  నాగేశ్వర రెడ్డి గారు ఈ దేశానికి తనసేవలను కొనసాగిస్తారని , వైద్య రంగంలో మరిన్ని విజయాలు సాధించాలని మనసారా కోరుకుంటున్నా .  నాగేశ్వర రెడ్డి గారికి నేను సంపాదకత్వం వహించిన శకపురుషుడు , తారకరామం పుస్తకాలను బహుకరించాను .

  బళ్లారిలో నాగలాదేవి ఆవిష్కరణ  నేను రచించిన నాగలాదేవి నవల ఫిబ్రవరి 16 ఆదివారం సాయంత్రం బళ్లారిలో ఆవిష్కరణ జరుగుతుంది .  శ్రీకృష్ణదేవరాయల అజరామమైన ప్రేమ కథే నాగలాదేవి నవల . కృష్ణదేవరాయలు యువకుడుగా వున్నప్పుడు ప్రేమించిన అమ్మాయే నాగలాదేవి . అపురూప సౌందర్యవతి ,  అద్భుత నర్తకి , అసమానమైన వ్యక్తిత్వం నాగలాదేవి స్వంతం .  బళ్లారిలో వున్న తెలుగు అధ్యాపకులు డాక్టర్ ఆర్ .వీరన్న గారు నాగలాదేవి  నవల చదివి బళ్లారిలో తెలుగు సంస్కృతి సంస్థ , బలిజ సంఘం సంయుక్తంగా ఈ కార్యక్రమాన్ని ఆవిష్కరణ ఏర్పాటుచేశారు .  బళ్లారిలో ఉన్న సాహితీ మిత్రులు ఈ కార్యక్రమంలో పాల్గొనవచ్చు .