"మహానటుడు, ప్రజానాయకుడు - 

ఎన్ .టి .ఆర్" కు అభినందనలు 

నందమూరి తారక రామారావు శత జయంతి సందర్భగా నేను  రచించిన " మహానటుడు, ప్రజానాయకుడు -ఎన్ .టి .ఆర్ " పుస్తకం మంచి ప్రయత్నమని చాలామంది  అభినందనలు తెలుపుతున్నారు . 

ఈ పుస్తకం రాయాలన్న ఆలోచన ఫిల్మ్ నగర్ క్లబ్ లో వచ్చింది . మే 3వ తేదీన నేను , చండ్ర  మధు మాట్లాడుకునేటప్పుడు ఈ ఆలోచన వచ్చింది . "అన్న గారి మీద నువ్వు పుస్తకం వ్రాయాలి, అందుకు నేను సహకరిస్తాను" అన్నాడు . 

"సమయం సరిపోదేమో ?" అన్నాను . 

"నువ్వు తలుసుకుంటే చేస్తావు "అన్నాడు . 

"సరే మధు " అన్నాను . అన్నగారితో నేను చేసిన ఇంటర్వ్యూ లు ఐదు వున్నాయి . మిగతావి  ఏమేమి ఉండాలో నిర్ణయించుకున్నాను . 

ఈ విషయం తెలిసి తెలుగు చిత్ర నిర్మాతల మండలి కార్యదర్శి తుమ్మల ప్రసన్న కుమార్ తాము ఆర్ధిక సహాయం అందిస్తానని చెప్పి మూడు రోజుల్లో చెక్ పంపించారు . దీంతో నా బాధ్యత మరింత  పెరిగింది .  

అలా మే 5 నుంచి ఈ పుస్తకాన్ని రాయడం మొదలు పెట్టాను . ఆర్టిస్ట్ నాగ మోహన్ (డాకోజు శివ ప్రసాద్ సోదరుడు ) నా సూచనలతో అద్భుతమైన కవర్ పేజీ పంపించాడు. గౌతమ్ లే అవుట్ లో సహకరించాడు .  మే 22 కు అంటే 17 రోజుల్లో పుస్తకం రాయడం పూర్తి అయ్యింది . ప్రింటర్ రావూరి ప్రసాద్ 27వ తేదీకల్లా కాపీలు అందించాడు . అలా రోజుకు 15 గంటలు పనిచేశాను.  

 

 ఎన్ .టి .ఆర్  శత జయంతి రోజున . ఆయన కుటుంబ సభ్యుల సమక్షం లో "మహానటుడు, ప్రజానాయకుడు - ఎన్ .టి .ఆర్" పుస్తకం విడుదలైంది . 

ఈ పుస్తకం హైద్రాబాద్ కాచిగూడలో వున్న నవోదయ బుక్ హౌస్ (సెల్ - 92474 71361 ) , మరియు జూబిలీ హిల్స్ జర్నలిస్ట్ కాలనీ లో వున్న అక్షర పుస్తక కేంద్రం ( 040 2355 4096 )లో లభిస్తుంది.  .