Bhageeradha G

 ఈరోజు దాశరధి గారి జయంతి  ఈరోజు మహాకవి దాశరధి గారి 96వ జయంతి . తెలుగు సాహిత్యంలో , సినిమా పాటల్లో దాశరధి గారిది ఓ ప్రత్యేకమైన శైలి .  ఆయన జీవితమంతా విలువల కోసం బ్రతికారు . పదవులు వస్తే స్వీకరించారు తప్ప వాటి కోసం తన ఆత్మ గౌరవాన్ని ఎప్పుడూ  వదులుకొని మంచి మనిషి. నిరాడంబరుడు , నిగర్వి ఈనాటి కవులందరికీ స్ఫూర్తి ప్రదాత దాశరధి గారు . 1987లో జరిగిన నా వివాహానికి దాశరధి గారు వచ్చి మా దంపతులను ఆశీర్వదించారు . దాశరధి గారితో ఎన్నో మధురమైన జ్ఞాపకాలు  వున్నాయి . మహాకవి దాశరధి ప్రాతః కాల స్మరణీయులు . 

 కూతురు తల్లి నిర్మాత  రొమాంటిక్ పాత్రల్లో నటించిన షకీలా చాలా కాలం తరువాత చిత్ర నిర్మాణ రంగంలోకి వచ్చింది. తన కుమార్తె మిలాను హీరోయిన్ గా రెండు చిత్రాలను రూపొందిస్తుంది .  కె.ఆర్ ప్రొడక్షన్ పతాకంపై   రమేష్ కావలి దర్శకత్వంలో షకీల నిర్మిస్తున్న  "అట్టర్ ప్లాప్", "రొమాంటిక్"  చిత్రాల టైటిల్ పోస్టర్ ను హైదరాబాద్ లో    షకీల విడుదల చేశారు.  తమ్ముడు రమేష్ చెప్పిన ఈ రెండు సినిమాల కథలు  నాకెంతో నచ్చాయి..అందుకే అందరూ కొత్త వారితో ఈ సినిమాలు చేస్తున్నాము. ఈ రెండు సినిమాల్లో కూడా నా కూతురు మిలా హీరోయిన్ గా నటిస్తుంది.. గోవాలో అద్భుతమైన లోకేషన్స్ లలో షూటింగ్ చేస్తున్నాము. ఇక మా సినిమాల కోసంస్వంత  ఓటిటి ని  ప్లాన్ చేశాం. అని చెప్పారు షకీలా .   

 ఈరోజు రాజేంద్ర ప్రసాద్ 65వ జన్మదినం  హాస్య చిత్రాల కథానాయకుడు రాజేంద్ర ప్రసాద్ 65వ జన్మ దినం . ఆరోగ్యకరమైన హాస్యానికే చిరునామా,  విభిన్న పాత్రలను సమర్ధవంతంగా పోషించే రాజేంద్ర ప్రసాద్ నాకు మంచి మిత్రుడు కృష్ణాజిల్లా నిమ్మకూరులో జులై 19, 1956లో జన్మించిన ప్రసాద్ మహానటుడు ఎన్ .టి .రామారావు గారి ఆశీస్సులతో 1977లో బాపు దర్శకత్వం వహించిన "స్నేహం " సినిమాతో నటుడయ్యారు . 44 సంవత్సరాల తరువాత కూడా రాజేంద్ర ప్రసాద్ విలక్షణమైన పాత్రలను పోషిస్తున్నారు .  ప్రసాద్ ఇలాంటి పుట్టినరోజు పండుగలు మరెన్నో చేసుకోవాలని కోరుకుంటూ ---  జన్మ దిన శుభాకాంక్షలు తెలియజేస్తున్నా ! 

              హీరోలకు ఓ. కళ్యాణ్ సవాలు  మా అసోసియేషన్ అంపశయ్యపై ఉంది. 15 ఏళ్ల నుంచి మా లో అలజడి తప్ప అభివృద్ధి లేదు మా ఎన్నికలు వచ్చాయంటే యుద్ధ వాతావరణం ఉంటుంది మా ఎన్నికలు పంచాయతీ ఎన్నికల కంటే దారుణంగా తయారయ్యాయి. మా అసోసియేషన్ సర్వీస్ ఓరియంట్ గా లేదు. 25 ఏళ్లుగా మా అసోసియేషన్ ఎందుకు భవనాన్ని నిర్మించడం లేదు. పద్మాలయ స్టూడియో వెనుక 1000 గజాల స్థలం అప్పటి ప్రభుత్వం ఇస్తే నిర్లక్ష్యం చేశారు. ఇప్పుడున్న సినీ పెద్దలకు మా అసోసియేషన్ కు 1000 గజాల స్థలం కొనుగోలు చేసే శక్తి లేదా? అని ప్రశ్నించారు. మా అసోసియేషన్ ఎన్నికల ప్రకటన రాకుండానే ప్రకాశ్ రాజ్ ఎందుకు ముందుకు వచ్చారు? ప్రశ్నించేవాళ్లు తన చుట్టూ ఉన్నారన్న ప్రకాశ్ రాజ్ ... వాళ్లు ఎంత మందిని ప్రశ్నించారు?.మా ఎన్నికల్లో నేను ఆరుసార్లు పోటీ చేసి ఓడిపోయాను . మద్దతిస్తూ గెలిపించిన వాళ్లు ఎన్నికలు పూర్తవగానే తప్పకుంటున్నారు మా అసోసియేషన్ అల్లరి కాకుండా సినీ పెద్దలు కాపాడండి.నేను ఏ పదవికి పోటి చేయడం లేదు, ఎవరికి మద్దతు ఇవ్వడం లేదు.మా ఎన్నికలు జరగకుండా పెద్దలు ఏకగ్రీవంగా ఎన్నుకోవాలి మా అసోసియేషన్ భవనానికి నా ఆ...

  తెరమీద ధీర గంభీరత్వం - తెర వెనుక హాస్య రస వీరత్వం వెరసి రాజబాబు  జీవితంలో ఎదురయ్యే కష్టాలను అధిగమిస్తూ , కన్నీళ్లను తుడిచివేస్తూ నలుగురితో నవ్వుతో, నవ్వులను పండిస్తూ ఆహ్లాదకరంగా  ఎవరు తమ జీవనాన్ని మలచుకుంటారో వారే ధీరోదాత్తులు.  సుఖ దుఃఖాలు లేని జీవితం ఉండదు . కానీ విజయం వచ్చినప్పుడు పొంగిపోయి , అపజయం కలిగినప్పుడు కుంగిపోయే మనుషులు ఎందరో కనిపిస్తారు , కానీ జయాపజయాలు , సుఖదుఃఖాలు అతీతంగా తన చుట్టూ వున్న మిత్రులను కన్నీరు ఉబికేలా నవ్వించే అరుదైన నటుడు , ఆత్మీయ వ్యక్తి రాజబాబు .  రాజబాబు అనగానే ఒకప్పటి హాస్య నట చక్రవర్తి అనుకునేరు . ఈ రాజబాబు తెలుగు సినిమా , టీవీలో  అను నిత్యం ప్రేక్షకులను సమ్మోహపరిచే క్యారెక్టర్ నటుడు రాజబాబు .  రాజబాబు తెర మీద చాలా గంభీరంగా కనిపిస్తాడు , ఏ పాత్రయినా అందులో ఒదిగిపోయే తత్త్వం , ఆ పాత్రను పండించే మనస్తత్వం రాజబాబు ప్రత్యేకత .  అవును రాజబాబు స్వతహాగా  నటుడు , ఆయన మాట్లాడేటప్పుడు ముఖ కవళికలు , శరీర కదలికలు చాలా సహజంగా  ఉంటాయి . అందుకే స్నేహితులు రాజబాబులో వున్న నటుణ్ని గుర్తించారు , ప్రోత్సహించాలనుకున్నారు ....

                బాలకృష్ణకు జన్మదిన శుభాకాంక్షలు  ఈరోజు నందమూరి బాలకృష్ణ గారి 61వ పుట్టినరోజు .  జూన్ 10, 1960న నందమూరి తారక రామారావు , బసవతారకం దంపతులకు  జన్మించారు .  1974లో "తాతమ్మ కల " సినిమాతో బాల నటుడుగా సినిమా రంగంలో ప్రవేశించిన బాలకృష్ణ తన తండ్రి తో అనేక సినిమాల్లో నటించారు 1983లో "సాహసమే జీవితం " సినిమాతో హీరో అయ్యారు . అక్కడ నుంచి  కథానాయకుడుగా బాలకృష్ణ సినిమా ప్రస్థానం నిరాఘాటంగా సాగుతూ వుంది .  సినిమా రంగంలో బాలకృష్ణ తన తండ్రి ఎన్ .టి .రామారావు గారి వారసత్వాన్ని కొనసాగిస్తున్నారు .  2001లో నటులు కాంతారావు గారు ఆంధ్ర ప్రదేశ్ రాష్ట్ర నంది అవార్డుల కమిటీ చైర్మన్ కాగా  ఆ కమిటీలో నేను సభ్యుడుగా వున్నాను . ఆ సంవత్సరం బాలకృష్ణ గారిని "నరసింహ నాయుడు " సినిమాలో నటనకు ఉత్తమ కథానాయకుడుగా ఎంపిక చేశాము . అది బాలకృష్ణ గారికి తొలి నంది అవార్డు .  తెలుగు సినిమా రంగంలో హీరోగా బాలకృష్ణ మరిన్ని విజయాలు సాధించాలని కోరుకుంటూ పుట్టినరోజు శుభాకాంక్షలు . 

              ఈరోజు పద్మవిభూషణ్ బాలు 75వ జయంతి   తెలుగు వారంతా గర్వించతగ్గ నేపధ్య గాయకుడు, సంగీత దర్శకుడు, నటుడు, డబ్బింగ్ కళాకారుడు శ్రీపతి పండితారాధ్యుల బాలసుబ్రహ్మణ్యం గారి 75వ జయంతి . సంగీత ప్రపంచంలో  ఎప్పటికీ చెరిగిపోని కీర్తి పతాక  మన బాల సుబ్రహ్మణ్యం.  ఆయన   భౌతికంగా మన మధ్యన  లేరు కానీ ఆయన పాట , ఆయన మాట  మనతోనే వున్నాయి . మన మనసులో పల్లవిస్త్తూనే వున్నాయి .  గత సంవత్సరం సెప్టెంబర్ 25వ తేదీ  సినిమా ప్రపంచంలో చీకటి రోజు. కరోనా అనే మహమ్మారి బాలు గారిని మనకు దూరం చేసింది . ఎవరూ ఊహించ లేదు బాలు గారు మన మధ్యనుంచి వెళ్ళిపోతారని . ఈ వార్త విని యావత్ సినిమా ప్రపంచం నివ్వెరపోయింది . తెలుగువారంతా తమ కుటుంబ సభ్యుడిని కోల్పోయినట్టు విషాదంలో మునిగిపోయింది . సంగీత ప్రపంచం మౌనంగా రోదించింది .  బాలు గారు  తాను సాధించిన ఘన విజయాలను చరిత్రగా మనకు అప్పగించి సెలవంటూ వెళ్లిపోయారు .  1966 వ సంవత్సరంలో " శ్రీశ్రీ మర్యాద రామన్న"  సినిమాతో గాయకుడుగా నటుడు, నిర్మాత, దర్శకుడు పద్మనాభం గారు పరిచయం చేశారు...