పోస్ట్‌లు

అక్టోబర్, 2026లోని పోస్ట్‌లను చూపుతోంది
చిత్రం
  ఆర్ .కె .ప్రకృతి వ్యవసాయం  'నాగలాదేవి 'కన్నడ నవల ఆవిష్కరణ హంపిలోని విరూపాక్ష దేవాలయంలో జరిగింది. తరువాత  రోజు దేవన్న, శివ ప్రసాద్ గారితో కలసి  నటుడు, నిర్మాత , దర్శకుడు ఆర్.కె  ( రామకృష్ణ వీరమాచనేని)ను కలవడానికి వారి  ఫుడ్ ఫారెస్ట్ కు వెళ్ళాము . చాలా కలం నుంచి ఆర్ .కె . అక్కడ పొలం కొని ప్రకృతి వ్యవసాయం చేస్తున్నాడు . చాలా ప్రశాంతమైన జీవితం గడుపుతున్నాడు . 'సినిమాలు వున్నప్పుడు హైదరాబాద్ వస్తా , మిగతా సమయమంతా ఇక్కడే , మనసుకుకు ఎంతో ప్రశాతంగా వుంది ' అని చెప్పాడు . ఆర్ .కె . పొలంలో అన్ని రకాల పండ్ల మొక్కలు వేశాడు . కూరగాయలు కూడా పండిస్తున్నాడు . ' నాలుగు కిలో మీటర్ల దూరంలో మరి కొంత పాలం ఉందని అక్కడ వారి పండిస్తున్నానని' చెప్పాడు . ఆర్ .కె .కి నా పుస్తకాలు బహూకరించి శాలువాతో సత్కరించాను .   ఆర్ .కె .నాకు మంచి  మిత్రుడు . వచ్చేటప్పుడు వారి పొలంలో పండిన కూరగాయలు , బొప్పాయి పండు ఇచ్చాడు . ఇప్పుడు చాలా మంది ప్రకృతి వ్యవసాయం పట్ల ఆసక్తి చూపిస్తున్నారు . 
చిత్రం
  ఆత్మీయతను పంచిన మిత్రుడు భాస్కర నాయుడు  నాగలాదేవి కన్నడ పుస్తక ప్రచురణకు  ఆర్ధికంగా సహాయం చేసిన మిత్రుడు భీమినేని భాస్కర నాయుడు. అంతకు ముందు దేవన్న గారు భాస్కర నాయుడు గారి గురించి చెప్పారు . భాస్కర నాయుడు గారిది బళ్లారిలో స్థిరపడిన తెలుగు కుటుంబమని, వారికి పరిశ్రమ ఉందని, మనిషి చాలా సౌమ్యుడని దేవన్న నాతో చెప్పారు .   ఈ పుస్తక ఆవిష్కరణ హంపిలోని విరూపాక్ష దేవాలయంలో జరిగినప్పుడు దేవన్న భాస్కర నాయుడును నాకు పరిచయం చేశారు .  భాస్కర నాయుడు ను చూడగానే సదభిప్రాయం కలిగింది. ఆయన కూడా తెలుగు వాడు కావడం మరింత ఆనందదాయకం . ఆరోజు కార్యక్రమంలో పాల్గొన్న భాస్కర నాయుడును మాట్లాడమంటే 'నాకు అలవాటు లేదు సర్ ' అని చెప్పడం ఆయన ఒదిగి వుండే తత్వాన్ని తెలియజేసింది . అదే రోజు మధ్యాహ్నం 250 మందికి చక్కటి బోజనాలను ఏర్పాటు చేసి అందరి ప్రశంశలు అందుకున్నాడు . భాస్కర నాయుడు గారి చిత్రాన్ని మిత్రుడు శివ ప్రసాద్ గారు గీసి నాతో బహుకరించారు .  భాస్కర నాయుడు మంచి స్నేహశీలి .
చిత్రం
  శేషేంద్ర శర్మ గారితో మధుర స్మృతి  ఈరోజు గుంటూరు శేషేంద్ర శర్మ గారి శత జయంతి . శర్మ గారు తెలుగు సాహిత్యంలో అరుదైన కవి. తెలుగు , సంస్కృత , ఆంగ్ల భాషల్లో ప్రతిభావంతుడు . శర్మ గారు ముత్యాలముగ్గు సినిమాలో ' నిదురించే తోటలోకి పాట ఒకటి వచ్చింది ' అనే పాత దర్శకుడు బాబు కోరితో వ్రాశారు . ఆ తరువాత శర్మ గారు మారె సినిమాలోనూ వ్రాయలేదు .  నేను జ్యోతి చిత్ర లో  రిపోర్టర్ గా పనిచేటప్పుడు సీనియర్ జర్నలిస్ట్ ఆంజనేయ శాస్త్రి తో కలసి కార్యక్రమాలకు వెడుతూ ఉండేవాడిని .  అలా ఒకరోజు సాహిత్య క్రార్యక్రమంలో శేషేంద్ర శర్మ గారు పరిచయం అయ్యారు . శర్మ గారు మా ఇద్దరినీ నాంపల్లి కి సమీపంలోని గోషామహల్ లోని  జ్ఞాన్ బాగ్ ప్యాలెస్ కు రమ్మని ఆహ్వానించారు.  శర్మ గారు , వారి శ్రీమతి ఇందిరాదేవి , సాయంత్రాలు కవులను వారి నివాసానికి ఆహ్వానించి సాహిత్య చర్చలు , కవితా గానం వినడం  అలవాటు అని నేను విన్నాను . ఆంజనేయ శాస్త్రి గారితో నేను రాసిన కవిత్యం వినిపిస్తాను అని చెప్పగానే , 'ఓఎస్ , తీసుకురా' అన్నాడు . ఆరోజు సాయంత్రం ఇద్దరం జ్ఞాన్ బాగ్ ప్యాలెస్ కు వెళ్ళాము . శర్మ గారు మా ఇద్దరినీ ఆత్మీయం...
చిత్రం
  మయూర భువనేశ్వరి జ్ఞాపకాలు  నేను 2007లో  స్వాగతం సినిమా షూటింగ్ కోసం హంపి వెళ్ళినప్పుడు  జగపతి బాబు , అనుష్క , మిగతా యూనిట్ సభ్యులందరూ  హోటల్ మయూర భువనేశ్వరిలో బస చేశాము. 19 సంవత్సరాల తరువాత మళ్ళీ ఈ హోటల్ లో భోజనం చెయ్యడానికి దేవన్నగారు ,  శివ ప్రసాద్ గారితో కలసి వెళ్లడం జరిగింది . ఈ హోటల్ చాలా సౌకర్యంగా ఉంటుంది. ఉదయం వేళ మార్నింగ్ వాక్ చేసేవాడిని . చాలా ప్రశాంతగా ఉండేది .  నేను అప్పుడు 207 గదిలో దిగాను. ఆ గదిని శివ ప్రసాద్ గారికి చూపించాను . ఆ హోటల్ లో ఏమి మారలేదు .  మేము సినిమా యూనిట్ కు బయట నుంచి భోజనం తెప్పించి అక్కడి డైనింగ్ హాల్ లో పెట్టడం జరిగింది. సాధారణంగా బయటి  భోజనం అనుమతించరు . అయితే రిసెప్షన్ దగ్గర వున్న పార్వతి అన్న అమ్మాయి మాకు బాగా సహకరించింది. మాకు కావలసిన రూమ్ లను కేటాయించింది . ఎలాంటి ఇబ్బందులు లేకుండా చూసింది. ఇక మాకు హనుమాన్ సింగ్ అనే  గైడ్ లొకేషన్లు చూడటానికి , స్థానికులతో సమన్వయం చెయ్యడం , కావలసినవి ఏర్పాటు చెయ్యడం ... అనేక రకాలుగా   సహకరించాడు .  అందుకే అతన్ని నాగలాదేవి కన్నడ పుస్తకం ఆవిష్కరణ సభలో ...
చిత్రం
  హంపిలో అద్భుతంగా జరిగిన 'నాగలాదేవి ' ఆవిష్కరణ  నేను తెలుగులో రచించిన'నాగలాదేవి 'నవలను కన్నడంలో డాక్టర్ దేవన్న అనువదించారు . ఈ పుస్తక ఆవిష్కరణ  కోసం నేను ఆదివారం సాయంత్రానికి హంపి వెళ్ళాను . నాతో పాటు ఆర్టిస్ట్ డాకోజు  శివ ప్రసాద్ గారు వచ్చారు , మమల్ని దేవన్న ఆప్యాయంగా ఆహ్వానించారు . అందరం కలసి సాయంత్రం విద్యారణ్య స్వామి వారి మఠానికి వెళ్ళాము . స్వామి మాతో ఒక గంట సేపు పైగా సమావేశమయ్యారు. స్వామి వారు భగీరథ గారు అని ఆప్యాయంగా పిలవడం సంతోషం కలిగించింది . సోమవారం ఉదయం విరూపాక్ష దేవాలయంలో 'నాగలాదేవి 'పుస్తక ఆవిష్కరణ ఎంతో వైభవంగా జరిగింది . విరుపాక్త దేవాలయానికి నాగలాదేవి కి ఎంతో అనుబంధం ఉంది . అందుకే చారిత్రాత్మకమైన ఈ దేవాలయంలో పుస్తక ఆవిష్కరణ మహోత్సవం జరగాలని అనుకున్నాను . నా సంకల్పాన్ని దేవన్న నిజం చేశారు . ఈ సభకు ఎంతో మంది సాహితీ వేత్తలు , అభిమానులు పాల్గొన్నారు .అందరూ నా పట్ల చూపించిన అభిమానం మర్చిపోలేను . శివ ప్రసాద్ గారితో 'అహో ఆంధ్ర భోజ శ్రీకృష్ణదేవరాయ 'గీతనాన్ని పాడించాను. నాగలాదేవి గురించి కృష్ణదేవరాయలు పడుతున్నట్టు అనిపించిందని ప్రసాద్ గారు అన్నారు...
చిత్రం
  నిరుపమానమైన ప్రేమసందేశం ‘నాగలాదేవి’ ఆధునిక తెలుగు సాహిత్యంలో చారిత్రక సాహిత్యం ఒక పెద్దభాగమే. అందులో చారిత్రక నవలలు ఒక అంతర్భాగం. 1872 నాటి గోపాలకృష్ణమ శెట్టి “శ్రీరంగరాజ చరిత్ర” మొదలుకొని ఇటీవలి మారుతీ పౌరోహితం ప్రణయ హంపి దాకా తెలుగు చారిత్రక నవలలది ఒక పెద్ద ప్రవాహం. ఈనవలలన్నీ సంఘసంస్కరణోద్యమ కాలం నుండి అస్తిత్వ ఉద్యమాల దాకా  సామాజిక పరిణామాలకు స్పందనలుగానే వచ్చాయి. తొలినాళ్ళ చారిత్రక నవలల్లో గతస్మరణ వర్తమానానికి ప్రేరణగా వచ్చాయి. తర్వాతి కాలంలో వచ్చిన చారిత్రక నవలలు చరిత్రను హేతుబద్ధంగా వ్యాఖ్యానించేవి కొన్నైతే, ఆధునిక ప్రగతిశీల పరిణామాలను అడ్డుకుని, తిరిగి భూస్వామ్య విలువలకు పట్టం కట్టేవి మరికొన్ని. భగీరథ రచించిన నవల,” నాగలాదేవి”  మొదటి రకం నవల. చారిత్రకనవలలో వస్తువు రెండు రకాలుగా ఉంటుంది. ఒకటి పూర్వ, మధ్యయుగచరిత్ర, రెండు ఆధునిక యుగం పూర్వ చరిత్ర. “అడవి శాంతిశ్రీ” వంటివి మొదటి రకం కాగా ,” రేనాటి వీరుడు” వంటివి రెండవరకం. “నాగలాదేవి” మొదటి రకం నవల. ఇది మధ్యయుగం ఆఖరి దశలో శ్రీకృష్ణ దేవరాయలు  (క్రీ.శ.16 శ)జీవితం వస్తువుగా వచ్చిన నవల. విజయనగరసామ్రాజ్యపాలనకు ప్రతీ...
చిత్రం
నాగలాదేవి ' సమీక్ష .  ఈరోజు ప్రజా శక్తి దిన పత్రిక సాహిత్య పేజీ లో శ్రీ రాచపాళెం చంద్ర శేఖర్ రెడ్డి గారు నా 'నాగలాదేవి ' నవల మీద వ్రాసిన సమీక్ష . ధన్యవాదం రెడ్డి గారు . 
చిత్రం
  ఆచార్యదేవో భవ ... ! ఈరోజు ఉపాధ్యాయ దినోత్సవం.  ప్రపంచవ్యాప్తంగా దీనిని  జరుపుకుంటున్నారు.  1994లో యునెస్కో ఉపాధ్యాయ దినోత్సవాన్ని  ప్రకటించింది. అప్పటి నుంచి అన్ని దేశాలలోని వారు విద్య చెప్పిన గురువులను స్మరించుకుంటూ, వారు బోధించిన పాఠాలను గుర్తు చేసుకుంటూ, వారు చూపించిన మార్గంలో పయనించి విజేతలుగా నిలిచినవారు ఎందరో వున్నారు .  ఆచార్యదేవో భవ అనేది మన సనాతన ధర్మంలో గురువుకు ఇచ్చే ఉన్నత స్థానం. తల్లిదండ్రుల తర్వాత ప్రధాన స్థానం గురువుదే.  నాకు చదువుతో పాటు సాహిత్యం లో కూడా ప్రోత్సహించిన ఇద్దరు గురువులను నేను ఎప్పటికీ మర్చిపోలేను . ఒకరు పావులూరు ఉన్నత పాఠశాల లో 1969 నుంచి 1971 మధ్యలో ఎనిమిదవ తరగతి నుంచి పదవ తరగతి వరకు తెలుగు బోధించిన యాచమనేని మాధవరావు మాస్టారు.  మరొకరు ఆచార్య తిరుమల గారు , 1971 నుంచి 1973 వరకు ఇంటర్మీడియట్ లో తెలుగు బోధించిన మాష్టారు. 10వ తరగతిలో ఉండగా నేను కంద పర్యాయాలు వ్రాస్తే , మెచ్చుకొని , ఆ సంవత్సరం వ్యాస రచన పోలో గెలుపొందిన నాకు డాక్టర్ దివాకర్ల వేంకటావధాని గారు రచించిన 'ఆంధ్ర వాఙ్మయం చరిత్రం' అనే గ్రంథాన్ని మాధవరావు మాస్టారు...
చిత్రం
  సింగీతంతో అరుదైన జ్ఞాపకాలు  సీనియర్ దర్శకుడు సింగీతం శ్రీనివాసరావు గారు శనివారం రోజు ఇహలోక యాత్ర ముగించారని వార్త బాధించింది . శ్రీనివాసరావు గారు సృజనాత్మక శీలి , ప్రతిభావంతమైన దర్శకుడు.  తెలుగు సినిమాలో సింగీతం ఎన్నో ప్రయోగాలు చేశారు . 94 ఏళ్ల వయసులో కూడా ఆయన మెగా ఫోన్ పట్టుకోవడం ఆయనకే సాధ్యం . సింగీతం తో కొన్నాళ్ల పాటు కలసి ప్రయాణించిన రోజులు మనసులో మెదులుతున్నాయి . నేను ప్రాజెక్ట్ కో ఆర్డినేటర్ గా పనిచేసిన 'స్వాగతం 'సినిమాలోని ఒక పాటను హంపిలో చిత్రీకరించాలనుకున్నారు . 2007 నవంబర్ లో కెమెరామన్ రమేష్ , కో డైరెక్టర్ రంగారావు , స్టిల్ ఫోటోగ్రాఫర్ రవీంద్ర బాబు తో కలసి నేను లొకేషన్లు చూడటానికి  మొదటిసారి హంపి వెళ్ళాను . అప్పుడు శిధిలమైన హంపి నగరాన్ని చూసి నా మనసు అమితంగా కలవరపడింది . డిసెంబర్లో జగపతి బాబు , అనుష్క మీద పాట  చిత్రీకరించిన తరువాత హనుమాన్ సింగ్ అనే గైడ్ సహాయంతో హంపి శిధిలాలను చూశాను. హంపి నగరం మౌనంగా రోదించడం నన్ను ఆలోచించేలా చేసింది . విరూపాక్ష దేవాలయంలో వున్న ఓకే పుస్తకాల షాప్ లో 'ఏ ఫర్గాటెన్ ఎంపైర్ ', 'హంపి  రూయిన్స్ ' అనే రెండు పుస్తకాలు కొన...
చిత్రం
  కన్నడ నాగలాదేవి  తెలుగులో నేను రచించిన 'నాగలాదేవి ' నవలను డాక్టర్ దేవన్న కన్నడంలో అనువదించారు . ఈ పుస్తకం 12వ తేదీ  సోమవారం ఉదయం 10 గంటలకు  హంపిలోని విరూపాక్ష దేవాలయంలో ఆవిష్కరణ కార్యక్రమం  ఏర్పాటుచేశారు. ఈ కార్యక్రమంలో శ్రీకృష్ణదేవరాయల వారసులు శ్రీకృష్ణదేవరాయలు గారు , శ్రీమతి లలితారాణి , బళ్లారిలో కృష్ణదేవరాయ  విశ్వవిద్యాలయం వైస్ ఛాన్సలర్ ప్రొఫెసర్ ఎమ్ . మునిరాజ్, ఆర్కియాలజీ సూపరింటెండెంట్ శ్రీ కే. రామకృష్ణా  రెడ్డి , కన్నడ సాహిత్య పరిషత్ అధ్యక్షుడు డాక్టర్ నిశితి రుద్రప్ప , కన్నడ  విశ్వవిద్యాలయం రిజిస్టార్ శ్రీ విరూపాక్షి పూజారిహళ్లి , ప్రొఫెసర్ బి .సి . ఐగోల్ ,  శ్రీ భీమినేని భాస్కర్ నాయుడు, శ్రీ గుండి మారుతి  పాల్గొంటున్నారు.  ఈ కార్యక్రమాన్ని శ్రీ గంగా రూరల్ డెవలప్మెంట్  సొసైటీ వారు ఏర్పాటు చేస్తున్నారు . ఈ సందర్భంగా డాక్టర్ దేవన్న కృషిని అభినందిస్తున్నాను .